Нийтээрээ стресст автсан өнөөгийн нийгэмд хамгийн хэрэгтэй үйлчилгээний нэг болох сэтгэл зүйн зөвлөгөө, оношилгооны төв өчигдөр МУИС-д нээлтээ хийв.НШУС-ийн Сурган сэтгэл судлалын тэнхимийн дэргэд нээгдсэн тус төв нь оюутнуудыг туршилт судалгааны мэдлэг чадварт суралцуулахаас гадна олон нийтэд сэтгэл зүйн зөвлөгөө өгөх, оношилгоо хийх үйл ажиллагаа явуулах юм.Энэхүү төв нь оношилгоо судалгааны, терапи буюу бүлгийн сэтгэл заслын, туршилтын, хүүхдийн, ганцаарчилсан зөвлөгөө өгөх гэсэн үндсэн таван хэсэгтэй бөгөөд үйлчлүүлэгчийн сэтгэлийг тайвшруулах, биеэ барилгүй чөлөөтэй байж чин сэтгэлээсээ ярилцах халуун дулаан уур амьсгалыг бүрдүүлж чаджээ.Сэтгэл судлалын шинжлэх ухаан Монголд 1995 онд анх оюутан бэлдэж эхэлснээс хойш онолын түвшинд чамлалтгүй хөгжиж ирсэн ч туршилт судалгаа хийх, лабораторийн тоног төхөрөмжөөр сэтгэц, сэтгэл зүйн үзэгдлийг хэмжих зэрэг практик талын үйл ажиллагаа нь орхигдож ирсэн өнөө үед МУИС-д орчин үеийн тоног төхөөрөмж бүхий иж бүрэн ийм оношилгооны төв байгуулагдсан нь цагаа олжээ хэмээн ёслолын ажиллагаанд ирсэн зочид үнэлж байв.Тус оношилгооны төвийн судалгааны ширээнд 11 төрлийн тоног төхөөрөмж суурилуулсан бөгөөд 40-50 янзын бүлэг судалгаа хийх боломжтой.Д. Догсмаа
Эх сурвалж: “Монцамэ”
Өөрийн авсан зурагнуудаа орууллаа. Үнэхээр дээр хэлсэнчлэн багш нар маань тав тухтай сайхан орчныг бүрдүүлсэн байналээ. 
No comments:
Post a Comment